البارت 5
البارت5
سلام
الصباح 6:30ص
امي: يله قومي بدلي ملابسك وانزلي افطري لا تتاخري على المدرسه يله
انا: تمام تمام راح اقوم انتي روحي قومي مرام
ورجعت انام
امي: ليااااان قومي والا بكاس مويه في وجهك
انا: خلاص قمت (قمت ورحت للحمام اكرمك الله وقاعده اتحلطم) اووف متى اخلص الدراسه وافتك
بدلت ونزلت افطر انا ومرام وحصة نايمه ماعندها غير محاضره الساعة 9 ياحظها في الجامعه ماتقوم من بدري خلصت وقمت لبست العبايه انا ومرام وطلعنا راح يوصلنا اخوي
في الحوش انا ومرام نتهاوش من يركب قدام
انا: انا الكبيرة اطلع قدام وانتي وراء
مرام: لا والله انتي كل يوم تطلعي قدام خليني انا هذي المره
انا: انتي نوصلك الاولى للمدرسه لكذا اجلسي وراء عشان لما تنزلي ابقى انا قدام مافيني انزل وبعدين اطلع مره ثانيه
فهد جاء: يله اطلعو وش فيكن برا
مرام ركبت ورا وانا قدام ههه غطيت وجهي وطلعنا وصلنا مرام ووصلت للمدرسه
انا: يله اخوي الغالي مع السلامه اشوفك الظهر
ونزلت دخلت المدرسه رحت الفصل وحضرت الحصص وماكان في شي مهم
بعد الظهر
ركبت السياره
انا: السلام عليك ياعم أزيك عامل ايه يسطا
فهد🤨: وعليك السلام الحمد لله بخير وش فيك قلبتي مصري
انا: والله ياخوي ضربتني الشمس وقلبت مصري لو تاخرت شوي كان قلبت سودانيه
فهد: الله يهديك ياعربجيه
انا: ليش كلكم تقولو لي عربجيه حرام عليكم
فهد: اقول خلاص اسكتي
برطمت وصلنا عند مدرسه مرام وركبت
مرام: السلام عليكم
انا وفهد: وعليكم السلام
انا: اهلن بالطش والرش والبيض المفقش
فهد:هههههه الله يقلع ابليسك وكل يوم ترحيبه غير
مرام: انا بيض مفقش ياراديو خربان
انا:راديو خربان ولا بيض مفقش ووعععع انتي بيض
فهد: خلاص يله انزلو ماتملون من المناقره انتو
نزلنا ودخلت البيت اول وحده ركض وشلحت النقاب والطرحه وانا اركض وصلت وفتحت باب الصاله ومرام وراي تمشي وتكلم نفسها
انا : سلام عليكم دار قومن مسلمين
مرام من وراي: انتي داخله مقبره ولا ايش
انا: لا داخله البيت انا ماقلت شيء غلط قلت سلام عليكم دار قوم مسلمين ايه انا دخلت الدار وقاعده اسلم على اهل البيت
وطلعت فوق وبدلت ملابسي وصليت الظهر ونزلت تحت شفت امي وحصه في المطبخ
انا : السلام عليكم وش قاعدين تسوون
امي وحصه: وعليكم السلام
حصة: نسوي الغدا
انا: وانتي متى جيتي من الجامعة
حصه: ماكان معاي غير محاضره وحده الساعه 9 وخلصت الساعه 11 ورجعت
انا: ياحظك تروحي ساعة ولا ساعتين وترجعي اما احنا سبع ساعات اااه متى افتك من الدراسه
ــــــــــــ
بعد العصر 4:30م
خلصت اذاكر اخيرا رحت تمددت فوق السرير جات حصه
حصة: خلصتو مذاكرة
انا: ايوه الحمد لله اقول تعالي نلعب بالله كل وحده تقول موقف محرج حصل معاها
حصه: اوكي الفكره حلوه
وجات جلست جنبي
مرام: امممم صح انا خلصت مذاكره وطفشانه فما اقول لا
انا: يله من تبدا؟
حصه: انا! في مره لما كنا في عزيمه بيت عمي رمضان الماضي كان عندي عذر شرعي المهم دخلت المطبخ العصر وشفت كان في سمبوسة رحت اخذت وحده لاني كنت جوعانه وكنت قاعده اكلها الا ويدخل عمي ويشوفني وانا عاضه على السمبوسه واشوفه وعمي ضحك وقال بالعافية والمشكله مو هنا المشكله كان معه ولده اللي عمره عشره وسمعنا وراح علم العيال كلهم واسمع ضحكهم لاعندي وانا تمنيت الارض تنشق وتبلعني اهئ اهئ احراااااج
مرام: اوه ماي قااد امبيييه فشله
انا 🤨: وكل ذا الشرح عشان اكلتي سمبوسة وعمي شافك هذا تسميه احراج لو اقولك مواقفي وش راح تقولين
حصه: وش هي مواقفك؟
انا: اصبري افكر لانها كثير فكرو انتو كمان
بعد خمس دقائق شفت كل وحده مسرحه وتفكر
انا بصراخ: بنااااااات
البنات انتفضو: ايش فيه!؟ ايش صار؟؟!
انا: ههههههه لا بس كنت ابغى اقول لكم نبغى نسافر
حصة ضربتني: اذا جات الاجازه فكري وين تسافرين
مرام : وقعتي قلبي
انا: لا ياركيكه المشاعر اذا قلبك وقع اشلون عايشه الحين هااااه المهم اقولكن شي
البنات: وشو؟ ايش؟!
انا: رمضان قرب باقي شهرين ونص تقريبا
حصه: ايه قرب وعرس ولد عمي في يوم 5 شوال واحنا ما تجهزنا للحين
انا مصدومه نصين هههه: اتقي الله يا مسلمه تونا على العرس ثلاثه شهور وانتي تبي تجهزي من الحين
ـــــــــــــــــــــــــــــــــــــــــــــــــــــــــــــــ
يتبع👈🏻
ــــــــــــــــــــــــــــــ